«Ачык һава астында китапханә» җәйге уку залы (0+)

17 июньдә Шәһәр үзәк китапханәсенең җәйге уку залында мавыктыргыч чара узды, ул интеллектуаль ял һәм иҗат сөючеләрне җыйды. 
Табигать сөючеләр һәм табышмак чишәргә яратучылар өчен «Табигый утраучык» дигән викторина оештырылды. Катнашучылар азарт белән урман табышмакларын чиште, халык мәкальләрен һәм әйтемнәрен искә төшерде, бәйгеләрдә ярышты һәм танылган язучыларның табигать турында әсәрләрен белүләрен күрсәтте. 
Чын өстәл уеннары сөючеләр өчен ике мәйданчык эшләде — «Күңелле уеннар» һәм «Китапханәдә уеннар». Классик шахматлар һәм шашкалар, домино һәм лото, пазллар һәм башваткычлар эшкә кереште.

Яңа китап битләрен ачып карарга һәм яңа мәгълүматлар алырга яратучылар өчен китапханәчеләр «Укы, актар, кара!» күзәтү күргәзмәсе әзерләгән иде. Өлкәннәрне «Вокруг света», «Наука и жизнь», «Смена», «Лиза», «ЗОЖ», «Приусадебное хозяйство» журналлары кызыксындырды. Яшь укучылар мавыгу белән матур рәсемле  «Непоседа», «Мурзилка», «Веселые уроки», «Мир техники для детей», «Классный журнал», «Почемучкам обо всем на свете», «Вот!» һ.б. басмаларны карады.
Һәм традиция буенча көне буе «Ал! Укы! Кара!» буккроссингы эшләде. Анда китаплар бер укучыдан икенчесенә сәяхәт итте. 
Китапханәдә җәйге бер көн кунакларга бик күп уңай хисләр, яңа белемнәр һәм саф һавада җылы аралашу бүләк итте!