«Җәй, китап, мин – иң яхшы дуслар» уен программасы (6+)

3 июньдә 16 нчы санлы китапханә хезмәткәрләре  «Җәй, китап, мин – иң яхшы дуслар» уен программасы белән «43 нче комплекс» җирле иҗтимагый үзидарәсе тарафыннан оештырылган балачак бәйрәменә кушылды. Чара башында балалар Балаларны яклау көне бәйрәменең барлыкка килү тарихы турында белде. Аннан соң төрле бәйгеләрдә катнаштылар: «алтын балыклар» тоттылар һәм һәр балыкта күрсәтелгән биремнәрне үтәделәр, кызыксынып кроссвордлар һәм филвордларны чиштеләр, һәм шулай ук А.С. Пушкин әкиятләре һәм Г. Тукай әсәрләре буенча пазллар җыйдылар.

Очрашуда катнашучылар «Дүртенчесе артык» һәм «Әкият геройлары» мемо уеннарында актив катнашып, үзләренең белемнәрен, логикаларын һәм бай күзаллау сәләтен күрсәтте. Бәйгеләрнең берсе юбилей датасына – беренче «КАМАЗ-5320» автомобиле чыгарылуга 50 ел булуга багышланды: кызлар һәм малайлар «КАМАЗ» автомобильләре модельләрен җыйды һәм аларның исемнәрен атады. Чара азагында барлык катнашучылар татлы призлар алды, һәм китапханәче балаларны җәйге каникуллар вакытында китапханәгә ешрак килергә, төрле чараларда катнашырга һәм кызыклы, танып белү китаплары белән танышырга чакырды. Балалар бик күп шатлыклы хис-кичерешләр алды. Чара көтеп алынган җәйге ялның ямьле башы булды.