«Китапханә – буш вакытны үткәрү территориясе: укы, уйна, иҗат ит» экскурсиясе (6+)

Китапханәгә экскурсияләр, китапларга һәм белемнәргә мәхәббәт тәрбияләп, уку культурасын формалаштыруда төп рольне уйный. 13 нче санлы китапханә хезмәткәрләре китапханә һәм укуның әһәмияте турында мавыктыргыч итеп бәян итә. 16 апрельдә китапханәгә башлангыч сыйныф укучылары килде. Балалар кызыксынып китапның барлыкка килү тарихы буенча мәгълүматны тыңлады. 

Китапханәче мисырлылар һәм башка борынгы халыкларның язу өчен материаллары булган папирусны күрсәтте. Экскурсия барышында балалар китапханә, китапларны куллану кагыйдәләре, «абонемент», «формуляр» төшенчәләре, китапханәдә китапларның нинди принцип буенча урнашуы турында белде. Балалар «Китап нәрсә ярата», «Геройны таны» дигән күңелле викториналарда катнашты, анда әдәби әсәрләрне яхшы белүләрен күрсәтте. Шулай ук «Киштәдә китапның урынын тап» уенын уйнадылар һәм танып белү китаплары укыдылар.