Үзәкләштерелгән китапханәләр системасы: Зур җиңүләр һәм танылу елы

«Энергетик» мәдәният сараенда Мәдәният хезмәткәрләре көненә багышланган бүләкләү тантанасы узды. Әлеге бәйрәм көнендә китапханә эше профессионалларына — көндәлек хезмәтләре белән шәһәрнең мәдәни киңлеген булдыручы Үзәкләштерелгән китапханәләр системасы хезмәткәрләренә аерым игътибар бирелде. 2025 ел нәтиҗәләре буенча иң яхшы хезмәткәрләребезгә югары дәүләт, республика һәм муниципаль бүләкләр тапшырылды.
Күпьеллык нәтиҗәле хезмәтләре, югары профессиональ осталыклары һәм шәһәр һәм Татарстан Республикасы мәдәнияте өлкәсенә зур өлеш керткәннәре өчен дәүләт һәм муниципаль бүләкләре бирелде. Мәсәлән, Татарстан Республикасы Министрлар кабинеты Рәхмәте белән Үзәкләштерелгән китапханәләр системасы директоры урынбасары Регина Каюмова бүләкләнде.

Татарстан Республикасы Мәдәният министрлыгының Мактау грамотасы белән Үзәкләштерелгән китапханәләр системасы коллективы билгеләп үтелде (бүләкне директор Венера Гайнуллина алды).
Шәһәр Мэры Рәхмәте белән Шәһәр үзәк китапханәсе балалар белән массакүләм эш бүлегенең әйдәп баручы китапханәчесе Роза Диярова бүләкләнде.
Мэр Премиясенә югары профессиональ осталыклары өчен Үзәк балалар китапханәсенең әйдәп баручы китапханәчесе Наталья Абрамова, 14 нче санлы китапханәнең бүлек мөдире Гөлия Мөбәракшина лаек булды.
«Грант эшчәнлегендә лидер» номинациясендә җиңүче дип Үзәкләштерелгән китапханәләр системасы танылды. Сәхнәдә бүләкне директор Венера Гайнуллина кабул итеп алды.
«Ел китапханәчесе» номинациясендә җиңүче  – Үзәкләштерелгән китапханәләр системасының 8 нче санлы китапханә мөдире, «Яшь китап сөючеләр» клубы җитәкчесе Наилә Асанова.

Хезмәткәрләрне лаеклы бүләкләре белән чын күңелдән котлыйбыз!