«Күңелле китап маҗаралары» әдәби уены (6+)

14 мартта 5 нче санлы китапханәдә «Китаплы яллар» проекты кысаларында яшь китап сөючеләр өчен «Күңелле китап маҗаралары» дигән әдәби уен узды. Балалар китаплар дөньясына кереп чумды, анда аларны мавыктыргыч сынаулар, бәйгеләр һәм викториналар көтте. «Сорау-җавап» бәйгесе балалар әдәбиятын белүгә чын имтихан булды. Яшь укучылар, яраткан персонажларының исемнәрен, үзенчәлекле якларын һәм хәтта әсәрләрдән цитаталарны искә төшереп, үз белемнәрен күрсәтте. Балаларның китапларны укулары, чын-чынлап аларның геройларын яратулары күренеп торды. 

Бәйрәм рухын «Музыкаль мультпарады» уены тулыландырды, анда балалар бик теләп популяр мультфильмнардан көйләрне таныды. «Монда кем булган һәм нәрсәсен онытып калдырган» бәйгесе аерым кызыксыну уятты. «Тылсымлы капчык»та калган әйберләр буенча укучылар аларның кайсы әсәрләрдә очравын искә төшерде. Шуның өстенә балаларга әкият дөньясына килеп эләккән ялкау мәктәп укучысы турындагы «Вовка в Тридевятом царстве» дигән рәсемле мультфильмны күрсәттеләр. Бу тарих балаларны белем алу һәм хезмәтнең әһәмияте турында уйланырга мәҗбүр итте. Чара азагында китапханәче балаларны яңа мавыктыргыч вакыйгалар һәм маҗаралар бүләк итүче кызыклы китаплар һәм авторлар белән таныштырды.