«Сталинград батырлыгын искә төшерик» батырлык дәресе (12+)

2 февральдә 5 нче санлы китапханәдә балалар өчен, «Буыннар хәтере: тарих битләре» программасы һәм «200 минут уку Сталинградка багышлана».IX Бөтенроссия акциясе кысаларында, «Сталинград батырлыгын искә төшерик» дигән батырлык дәресе узды. Чараны алып баручы, халкыбыз тарихындагы иң онытылмас һәм героик битләрнең берсе – Сталинград сугышы барышы турында сөйләп, балаларны шул героик көннәр атмосферасына алып кереп китте.

200 көн һәм төн дәвамында, бернигә дә карамыйча, бирешмәгән һәм Бөек Җиңүгә юл салган совет кешеләренең батырлыгы һәм фидакарьлегенә аерым игътибар бирелде. Балалар шул вакыйгаларның фаҗигасен һәм күләмен яхшырак күзалдына китерергә ярдәм итүче «Сталинград сугышы», «Көрәшләр һәм бәрелешләр» һәм «Совет солдатларының хәйләкәрлекләре» кебек архив видеоматериалларын зур кызыксыну белән карады. Героик битләр дә искә алынды: легендар Павлов йорты, Мамай курганындагы сугыш, утыз өч батырлыгы. Чара азагында укучылар өчен Сталинград сугышына багышланган нәфис әдәбиятка күзәтү үткәрелде.