«Бергә гаилә Интернеты өчен: китапханәләрнең роле һәм мөмкинлекләре» Бөтенроссия видеоконференциясе (0+)

12 февральдә Россия дәүләт балалар китапханәсендә Куркынычсыз Рунет атналыгы кысаларында Куркынычсыз Интернет үзәге, RU/.РФ. доменнары координацион үзәкләре ярдәмендә «Не Допусти» фонды белән берлектә гибрид форматта «Бергә гаилә Интернеты өчен: китапханәләрнең роле һәм мөмкинлекләре» Бөтенроссия видеоконференциясе узачак. 
Конференция үткәрү вакыты: 10:30 нан 16:00 сәгатькә кадәр.

Фикер алышу өчен тема:
Челтәрдә балалар һәм ата-аналар: китапханәнең бурычлары һәм мөмкинлекләре.
Балалар һәм яшүсмерләрнең интернетта үз-үзен тотышы: халәте һәм перспективалары.
Гаиләнең цифрлы киңлектә куркынычсызлыгы.
Яшүсмерләрнең медиа-мәгълүмати һәм цифрлы грамоталылыгын үстерү кораллары.
Балалар, яшүсмерләр, ата-аналар һәм укытучылар өчен уңай контент булдыру һәм аңа ярдәм итү. 
Киберкуркынычсызлык буенча мәктәп һәм китапханәләрнең уртак проектлары.
Интернетта балалар, яшүсмерләр һәм ата-аналар өчен китапханә проектлары. 

Конференция эшендә медиа һәм мәгълүмати грамоталылыкның әйдәп баручы тикшеренүчеләре, балаларның мәгълүмат белән бәйләнеше һәм шәхеснең мәгълүмати культурасын үстерү сораулары буенча белгечләр, китапханә берлегенең төбәктә балачакның мәгълүмати куркынычсызлыгын тәэмин итү буенча үз проектларын әзерләүче реаль һәм потенциаль партнерлары һәм вәкилләре чакырылачак.

Чарада катнашырга теләк белдерүчеләр өчен 2026 елның 9 февраленә кадәр ГАРИЗАНЫ тутырырга кирәк. Докладчыларга 2026 елның 2 февраленә кадәр теркәлергә.