«Юбиляр китаплар» китаплар парады (6+)

22 декабрьдә 5 нче санлы китапханәдә «Без китап белән бергә үсәбез» программасы кысаларында балалар өчен «Юбиляр китаплар» дигән китаплар парады узды. Чара китапханәченең мавыктыргыч итеп сөйләвеннән башланды: балалар китапларның да юбилее булуы, һәм бүген чын-чынлап бәйрәм парадында катнашачаклары турында белде. Парад барышында яшь укучылар энтузиазм белән, үз белемнәрен күрсәтеп, китаплар турында мәкальләрне дәвам итте. 2025 елның юбиляр басмаларына күзәтү вакытында китапханәче балаларны быел түгәрәк даталарын билгеләп үтүче китаплар белән таныштырды. 

«Җавап бир әле» бәйгесендә балалар дус һәм актив рәвештә Н. Носовның «Незнайка на Луне» әсәре буенча сорауларга җавап бирде. Аннан соңгы юбилярны балалар тавышы буенча ачыклады – бу «Түбәдә яшәүче Карлсон һәм Бала» әкияте булып чыкты. Тагын бер юбилярны атар өчен катнашучыларга башваткычлар чишәргә туры килде – шулай итеп алар Г. Х. Андерсенның «Дюймовочка» әкиятен «тапты». Рәсеме буенча балалар бер авырлыксыз киләсе юбиляр әсәрне ачыклады. Китаплар парады мавыктыргыч кроссворд белән тәмамланды. Балалар анда азарт белән юбиляр китаплардан персонажлар исемнәрен язып куйды, шулай итеп бай һәм файдалы чарага йомгак ясалды.