«Тату гаилә – ул син һәм мин!» танып белү-күңел ачу программасы (0+)

1 ноябрьдә «Китаплы яллар» проекты кысаларында 15 нче санлы китапханә балалар һәм аларның әти-әниләре өчен «Тату гаилә – ул син һәм мин!» дигән танып белү-күңел ачу программасы уздырды.
Чарада катнашучыларны Китаплар Патшабикәсе һәм китапханә клоуны Дускай каршы алды. Әкият геройлары белән бергә китапханәгә килүчеләр үз гаиләләренең яраткан китаплары турында фикер алышты һәм аларңан өзекләрне кычкырып укыды. Иҗади остаханәдә яшь рәссамнар яраткан китапларының портретларын ясады. Шулай ук өлкәннәр һәм яшь укучылар «Яшәгән ди булган ди, әкияти гаиләләр» викторинасы сорауларына җавап бирде, «Әйләнчекләр» һәм «Әйдәгез, күзалдына китерик…» әдәби уенннарын уйнады, «Агачларда карбызлар» һәм «Кыстыргычлар белән табышмаклар» бәйгеләрендә катнашты.

Чара вакытында «Китап уку өчен гаилә почмагы» фотозонасы эшләде, анда теләге булган һәркем үзенең яраткан китабы белән истәлеккә фотога төшә алды.
Чара «Теремкәй» курчак театрын күрсәтү белән тәмамланды.
Программада катнашучылар гаилә белән уку традициясе – ул файдалы һәм рәхәт ял, һәм гаиләгә үзара якынаю өчен мөмкинлек дигән нәтиҗә ясады.