«Яфраклар серләре» эко-сәгате (6+)

Каникулларда иң яхшы ял – ул яңа кичерешләр. 13 нче санлы китапханә хезмәткәрләре төрле яшьтәге балалар өчен бик күп кызыклы һәм танып белү чаралары уйлап тапты. Һәм шуларның берсе бик матур бер табигать күренеше турында.
Ә сез уйланганыгыз бармы, ни өчен көзен яфраклар коела?

Китапханәче балаларга яфракларда булган табигый үзгәрешләр, ни өчен яшел яфракны өзеп алуы авыррак, ә сарысын җиңел булуы, нилектән көз көне яфраклар сары гына түгел, ә кызыл, көрән төсләргәр керүе турында сөйләде. Китапханәдә күңелле атмсофераны Убырлы Карчык тудырды, ул балаларны үзенең шаяртулары белән көлдерде һәм аларга көз турында табышмаклар әйтте. «Яфрак кайсы агачтан төшкән» дигән интерактив викторинасы тагын да активлык өстәде.