«Шүрәле уйнарга чакыра!» уен программасы (0+)

26 март көнне Үзәк балалар модель китапханәсендә «Шүрәле уйнарга чакыра!» дигән мавыктыргыч уен программасы узды. 
Балалар Су анасы һәм Шүрәле белән бергә Габдулла Тукайның туган ягы буйлап сәяхәткә юл тотты, үзләре өчен танылган татар шагыйренең балачагыннан гаҗәеп мизгелләрне ачты. Алар барысы бергә, табышмаклар чишеп һәм төрле биремнәр башкарып, нәни Габдулланың яраткан «Йөзек салыш», «Тимербай», «Түбәтәйле» кебек яраткан уеннарын уйнады.

IMG20250326133804
IMG20250326131605
IMG20250326134626
IMG20250326134916
IMG20250326135136
Балалар Шүрәленең үзгәрүен сизде – ул заманча урман блогерына әйләнгән, һәм аңа заманча уеннар өйрәттеләр. Шулай ук Тукайның яраткан бәйрәме — Сабантуйдан башка булмады! Монда балаларны «Кәлүш киеп йөгерү», «Чүлмәк вату!» һәм «Йомырканы төшереп ватма» күңелле хәрәкәтчән уеннары көтте. Әкият геройлары белән бергә алар татар биюләре биеде һәм барыбыз да яраткан «Туган тел» җырын бик шатланып башкарды.

If you have found a spelling error, please, notify us by selecting that text and pressing Ctrl+Enter.

Поделиться: