«Иҗат итәбез, уйлап чыгарабыз, уйлап табабыз» мавыктыргыч остаханә (6+)

22 март көнне «Китаплы яллар» проекты кысаларында 5 нче санлы китапханәдә балалар өчен коллаж сәнгатенә багышланган «Иҗат итәбез, уйлап чыгарабыз, уйлап табабыз» дигән мавыктыргыч остаханә эшләде.

Чарага иҗат һәм үз-үзеңне күрсәтү дөньясына кереп чумарга әзер яшь рәссамнар җыелды. Остаханә барышында балаларга  коллажлар, аларның тарихы һәм хәзерге заман сәнгатендә әһәмияте турында сөйләделәр. Катнашучылар коллажның журналлардан кисеп алынган тупланма гына түгел, ә төрле рәсемнәр һәм текстлар җыелмасы аша хисләрне һәм идеяләрне җиткерергә мөмкинлек бирүче үзе бер юнәлеш булуы турында белде. Пабло Пикассо кебек бөек рәссамнар турында сөйләгәннәр белән рухланган балалар үз иҗат әсәрләрен ясый башлады. Һәр катнашучы журналлар тупланмасы, кайчы, җилем алды һәм энтузиазм белән эшкә тотынды. Балалар матур рәсемнәр, кызыклы гыйбарәләр һәм гадәти булмаган бизәкләрне кисеп алды, аларны үз кәгазь битендә тоташтырды. Эш барышында алар идеяләре белән уртаклашты, үз уй-фикерләрен белдерде һәм, дуслык һәм хезмәттәшлек рухы тудырып, бер-берсенә ярдәм итте. Остаханә азагында барлык катнашучылар, үз эшләре аша нәрсә әйтергә теләүләре турында сөйләп, коллажларын тәкъдим итте. Һәр коллаж уникаль булды, яшь рәссамнарның индивидуальлеген һәм креативлыгын чагылдырды.