«Ал чәчәк артыннан» әдәби-биографик тикшеренү (12+)

13 февраль көнне, «Шәп классиклар, яки рәхәтләнеп Укы!» дигән яшүсмерләрнең уку культурасын формалаштыру буенча проект кысаларында, 11 нче санлы балалар китапханәсе  урта мәктәп яшендәге балалар өчен Сергей Тимофеевич Аксаков иҗаты буенча «Ал чәчәк артыннан» дигән әдәби-биографик тикшеренү уздырды.
Чараның аерым өлеше танылган рус язучысының тормышы һәм иҗатыннан кызыклы фактларга һәм зур, тату гаиләдәге балаларга багышланды. Мәхәббәт, хөрмәт, кайгырту, тәртиплелек һәм башка гаилә кыйммәтләре сөйләшүнең төп темасы булды. Балалар язучының иҗаты турында гына түгел, ә аның туган як матурлыгын сурәтләү сәләте турында белде, аның биш яшендә балык тотучылык белән танышуы турында гаҗәеп тарихны тыңлады, «Детские годы Багрова-внука» китабыннан өзек укылды. Балалар игътибар белән тыңлады. Чараның иң җанлы мизгеле балаларның «Әдәби балыкчылык» уенында катнашуы булды. Алар каршында «сулык»та «балыклар» әзерләнгән иде. Һәм аларның һәрберсендә С. Аксаков әсәрләре буенча сораулар белән язулар яшереп куелган иде. Шуннан соң балалар аксаков урыннары буйлап виртуаль экскурсия кылды, интерактив викторина сорауларына җавап бирде.
Язучының иҗаты битләрен ачып, балалар һәрберсендә нииди дә булса яңа нәрсә тапты. Сергей Тимофеевич Аксаковның күркәм әдәби әсәрләре һәр яңа буынны яхшылыкка, матурлыкка, туган телләрен яратырга өйрәтә.