«Күңелсез булмаган классика» акциясе (6+)

5 февральдә 14 нче санлы китапханә хезмәткәрләре «Күңелсез булмаган классика» дигән акция уздырды. Һәр елны февральнең беренче чәршәмбесендә, Бөтендөнья кычкырып уку көнендә, Укырга, рәсем ясарга, кул эшләре белән шөгыльләнергә яратучылар клубына йөрүче балалар белән комплекслы чара уздыру яхшы гадәткә әйләнде. Д. Хармс, Н. Носов, В. Драгунский, Г. Остер, А. Усачев һ.б. балалар әдәбияты классикларының әсәрләрен кычкырып укудан кала, балалар әле тагын якындагы 14 нче санлы балалар китапханәсенә экскурсиягә дә килде. Аның китапханәчеләре балалар китапханәсенең мөмкинлекләре турында сөйләде, Җиңүнең 80 еллыгына багышланган китап күргәзмәсендәге китаплар һәм китапханә фонды белән таныштырдылар. Әмма аеруча тәэсирләндергәне «Комда рәсем ясау» буенча мастер-класс булды. Балалар рәсем өчен фон әзерләргә, кошлар, кояш, чыршы рәсемнәрен ясарга өйрәнде. Ком анимациясе ярдәмендә 14 нче санлы китапханә укучылары ясаган әкиятне карадылар. Кунакларның китапханәдән китәсе килмәде. Балалар, һичшиксез, әти-әниләренә һәм дусларына 14 нче санлы китапханәдә кызыклы итеп вакыт уздырулары турында сөйләрләр.