«Таныш һәм таныш булмаган Чехов» әдәби ачышлар сәгате

28 гыйнварда 10 нчы санлы китапханә мәктәп укучыларын Таганрог шәһәре А. П. Чехов исемендәге Үзәк китапханәсе оештырган, Антон Павлович Чеховның тууына 165 ел тулуга багышланган «Чеховны бергәләп укыйбыз» Бөтенроссия акциясе кысаларында «Таныш һәм таныш булмаган Чехов» дигән чарага чакырды. 

«Кешедә барысы да – йөзе дә, киеме дә, күңеле дә, уйлары да гүзәл булырга тиеш», – Чеховның әлеге даһи сүзләре бөек прозаикның бар тормышы һәм иҗатына эпиграф була ала. 

Чарада катнашучылар А.П. Чеховның тормышы, көнкүреше һәм гаилә гореф-гадәтләре, бөек прозаикның ничек иҗат итүе, язучыны әйләндереп алган мохит турында сөйләгәнне тыңлады. Балалар бик теләп аның «Жалобная книга» һәм «Лошадиная фамилия» кебек хикәяләрен тыңлады.

Чара «Прощайте, доктор Чехов» нәфис кинофильмыннан өзекләрне кулланып ясалган матур презентация белән үрелеп барды.

#АкцияЧитаемЧеховавместе, #ТаганрогБиблиотекаЧеховавместе, #БиблиотекаЧитаемЧеховавместе