«Көзге марафон» күңелле стартлар (6+)

30 октябрь көнне 5 нче санлы китапханәдә мәктәп яны лагере балалары өчен «Көзге марафон» дигән күңелле стартлар узды. Балалар ике командага бүленде һәм үзләренә кызыклы исемнәр уйлап тапты. Эстафета «Уңыш җыябыз» бәйгесеннән башланды, анда иң җитез катнашучылар кәрҗиннәрне көзге яшелчәләр белән тутырды. Интеллектуаль табышмаклар бәйгесендә балаларга тапкырлыкларын күрсәтергә кирәк булды.

Көз – суык җилләр вакыты, шунлыктан күңелле стартлар «Җилкәй» бәйгесе белән дәвам итте, анда балалар җиңел стаканга өрергә һәм тизрәк финишта булырга тырышты. Марафонда катнашучылар зур кызыксыну белән «Три кота» мультфильмын карады һәм аның геройлары мисалында көз турында белде. Чараның азагында балаларны «Яфрак ява» дигән бәйге сынаулары көтте. Җиңүчеләр татлы бүләкләр алды.