«Әкиятләр иле» уен-сәяхәте (6+)

29 октябрь көнне 3 нче санлы китапханәдә уен-сәяхәт узды, анда балалар, ике командага бүленеп, «Теремкәй», «Могҗиза-агач», «Әкияти», «Танып бел», «Җырлы-моңлы» станцияләре буйлап әкиятләр иленә сәяхәт кылды. Үзләренең яраткан әкият геройларын искә төшерделәр, уеннар уйнадылар, пазллар җыйдылар һәм әкият кроссворды чиштеләр. 

Уен күңелле, кызыклы, шау-шулы үтте һәм хис-кичерешләргә бай булды. Чарада катнашучылар биремнәрне үтәгәндә көчләрен, җитезлекләрен һәм тапкырлыкларын күрсәтте. Әкиятке сәяхәт тәмам, әмма әкият һәрвакыт укучысы белән кала, бары тик китапханәдә китапны кулга алырга, аны ачарга һәм укырга кирәк. Чара азагында яшь кунаклар үзләренең тырышлыклары өчен дипломнар белән бүләкләнде.