«Көзнең гаҗәеп мизгелләре» күңелле ял сәгате (0+)

Балалар бакчасыннан килгән нәни укучылар көз ел фасылы буйлап гаҗәеп сәяхәткә юл тотты – 17 нче санлы китапханә хезмәткәрләре көз билгеләре турында кызыклы әңгәмә әзерләгән иде, шулай ук балалар белән бергә көз айлары исемнәре турында белемнәрен ныгыттылар, көз җиткәч хайваннар һәм кошларның үз-үзен тотышында нинди үзгәрешләр булуын ачыкладылар. 

Балалар иҗади зирәклекләрен күрсәтте, бер-берсенә булышып, тиз арада көзге пазлны  җыйды, яшь укучылар «Табышмаклар, мәкаль-әйтемнәр һәм тизәйткечләр» бәйге-эстафетасын бик ошатты, көзге яфраклар белән биеде, табышмаклар чиште, көз һәм яңгыр турында җырлар башкарды, кәрҗингә гөмбәләрне җыярга булышты, «Күркә атыш», «Кайнар бәрәңге» уеннары уйнады.