«Безнең урам уеннары» уен программасы (6+)

15 август көнне 1 нче санлы мәгълүмати китапханә үзәге ишегалды бәйрәмендә катнашты. Чара концерт программасы белән башланды, чыгыш ясаучылар микрорайон халкын үзләренең иҗаты белән шатландырды. Чарада кунакларны Шәһәр Советы депутаты Галәветдинов Әхәт Насыйх улы сәламләде. Китапханә хезмәткәрләре «Безнең урам уеннары» дигән уен программасы оештырды, анда балаларга «Төз ат», «Үз байрагыңа», «Ярдәм ит», «Кем тизрәк» кебек күптөрле хәрәкәтчән уеннар тәкъдим ителде, анда катнашучылар күңелле эстафеталарда үз көчләрен, җитезлекләрен, тизлекләрен һәм  тапкырлыкларын күрсәтә алды. 

Спорт белән мавыгып, җиңүгә омтылып, балалар вакытның үткәнен сизми дә калды. Көч-дәрман, бик күп уңай тәэсирләр, онытылмас хис-кичерешләр алды алар. Барысы да өйләренә күтәренке кәеф белән кайтып китте.