«Менә нинди ул, безнең җәй!» әдәби-спорт калейдоскобы (6+)

Җәйге мәйданчыкта, җирле иҗтимагый үзидарә оештырган «Баба-яга спасает мир» фильмын карар алдыннан, гаилә мәктәбе ярдәмендә 13 нче санлы китапханә «Менә нинди ул, безнең җәй!» дигән әдәби-спорт калейдоскобы уздырды.

Балаларга спорт темасына интеллектуаль викторина тәкъдим ителде, анда алар спорт турында мәкальләрне искә төшерде; спорт әйберләре турында табышмаклар чиште; теге яки бу спорт әйберсенең кайсы спортчыныкы икәнен белде. Яшь укучылар бадминтон, туплы уеннар уйнады, боҗрага ату буенча төз атуларын сынап карады. Яшь спорт сөючеләр зур кызыксыну белән төрле спорт төрләре турында китап һәм журналлар белән танышты.