«Китапханәдә уеннар» өстәл уеннары көне (6+)

Өстәл уеннары – файдалы күңел ачу, зиһенне үстерү, логик фикерләүне яхшырту өчен яхшы ысул. Ә иң мөһиме, өстәл уеннары – ул тере аралашу. Шуның өстенә, уеннар китаплар кебек үк, интеллектны үстерә, ә аларны уйнау һәрчак кызыклы һәм күңелле!

23 июль көнне 13 нче санлы китапханәдә балалар өчен «Китапханәдә уеннар» дигән өстәл уеннары көне оештырылды. Бу көнне теләге булган һәркем буш вакытын күңелле һәм кызыклы итеп уздыра алды. Вакыт сизелми дә үтеп китте! Яшь укучылар төрледән-төрле мавыктыргыч өстәл уеннары дөньясына кереп чумды. Тәкъдим ителгән уеннар теләсә кайсы яшьтәге балалар өчен кызыклы булды.