«Фольклордан салават күпере» бәйрәме (6+)

Күптән түгел Россиядә яшь бәйрәм – Бердәм фольклор көне барлыкка килде, ул Россия халыкларының фольклор мирасын сакларга, үстерергә һәм популярлаштырырга ярдәм итә һәм 17 июль көнне билгеләп үтелә. Әлеге көн кысаларында Гренада паркында 1 нче санлы мәгълүмати-китапханә үзәге хезмәткәрләре «Фольклордан салават күпере» бәйрәме уздырды, анда катнашучыларга фольклор иленә гаҗәеп сәяхәт кылырга тәкъдим ителде. 

Очрашу вакытында балалар рус халык иҗаты белән танышты, кешеләр тормышында фольклорның әһәмиятле урын алып торуы, гореф-гадәтләр, халык әкиятләре, уеннар турында белде. Катнашучылар актив рәвештә табышмаклар чиште, тизәйткечләр әйтте, әкият викториналары сорауларына җавап бирде. «Ябышкак агач төпләре» дигән мавыктыргыч хәрәкәтчән уен балаларга аеруча ошады, малайлар һәм кызлар аркан тартышуда көч сынашты. Фольклор чарасын «Кызык матрешка» дигән иҗат сәгате тәмамлады. Балалар кәгазьдән әзерләнгән матрешка курчакларын бизәде. Барысының да матур һәм кабатланмас курчаклары барлыкка килде. Бәйрәм бик күңелле  һәм кызык узды.