«Балачактан таныш әкиятләр» китапханә десанты (6+)

11 июль көнне 5 нче санлы китапханә хезмәткәрләре әкият китаплары салынган тылсымлы капчыкларын күтәреп, мәктәпкәчә яшьтәге балаларга китап десанты булып төште. Балалар төрле ил һәм халыклар язучыларының әкият китаплары буенча бәйгеләрдә актив катнашы. Яшь китап сөючеләр табышмаклар чиште һәм яраткан балалар китаплары персонажлары белән бәйле викторина сорауларына җавап бирде. Тылсымлы капчык балалар белән очрашуга серлелек өстәде, һәм китапханәче биргән сорауга дөрес җавап кына әдәби әсәрләрнең исемнәрен ачып бирә алды. Хәрәкәтчән уеннар балаларга ачык һавада һәм балачактан таныш китаплары белән вакытларын кызыклы һәм файдалы итеп үткәрергә мөмкинлек бирде.