«Ачык һавада уку залы» вакытлы матбугат сәгате (6+)

Җәйге уку залы – ул җылы көнне кулга китап тотып үткәрү өчен менә дигән көн, көнкүреш мәшәкатьләрдән ял итү, яңа кешеләр очрашу һәм танышу мөмкинлеге. 
28 июньдә, ЗЯБ бистәсендә яшәүчеләрне вакытлы матбугат басмалары белән таныштыру максатыннан, 18/38 йорты каршындагы мәйданчыкта китапханә хезмәткәрләре «Ачык һавада уку залы» дигән вакытлы матбугат сәгате уздырды. Китапханәчеләр яңа журналлардан торган күргәзмә әзерләде, укучылар ихтыяҗын һәм төрле яшьтәге кулланучылар кызыксынуларын исәпкә алып, иң кызыклы басмаларга күзәтү ясалды. Үтеп баручылар журнал һәм газеталарны карады, журналлар битләрендәге викторина сорауларына җавап бирде, кроссвордлар һәм башваткычлар чиште. Һәр катнашучы китапханә визиткасын алды.