«Карлсонның юл маҗаралары» бәйге-уен программасы (6+)

30 май көнне Үзәк балалар модель китапханәсендә мәктәп яны лагерендагы балалар өчен «Карлсонның юл маҗаралары» дигән бәйге-уен программасы үтте.
Малайлар һәм кызлар «Юл билгеләре тарихы» дигән гыйбрәтле видеоролик карады һәм юл билгеләренең кисәтүче, тыючы, мәгълүмат-күрсәтүче һәм сервис билгеләре булуы турында белде, һәм шулай ук светофорның килеп чыгу тарихы белән танышты. 

Балалар Карлсон һәм Светофор белән бергә «Төнге машина йөртүче», «Баш киемен башкага тапшыр» уеннары уйнады, «Рөхсәт ителә, тыела» бәйгесендә катнашты һәм әкияти транспорт викторинасы сорауларына җавап бирде. 
Укучылар юл хәрәкәте кагыйдәләрен белүнең мөһим булуын аңлады!