Йөгерүче китап – 2024 (6+)

«Йөгерүче китап – 2024» язгы Бөтенроссия китапханә йөгереше кысаларында  https://бегущаякнига.рф/ Үзәк китапханә хезмәткәрләре укучыларына каршы йөгерә һәм кечесеннән олысына кадәр – барысын да китап сөючеләргә әверелдерәчәк. Россия Гаилә елына багышланган йөгереш маршрутларында респондентлар өчен сораулар илебез һәм чит ил классикасына – вакыт сынавын узган әдәбият һәм шигърияткә кагылачак. 

«Китап йөгерешчеләре» узып баручыларның Пушкин һәм Есенин, Достоевский һәм Толстой, Марк Твен һәм Джек Лондон, Эрнест Хэмингуэй һәм Габриэль Гарсиа Маркесларның әсәрләре турында белемнәрен тикшерәчәк. Дөрес җавап өчен респондент кызыклы китап, кечкенә генә сувенир һәм китапханәгә чакыру ала. 

Йөгерешче китапханә хезмәткәрләрен кайчан күрергә мөмкин булачак?

26 май 12 сәгатьтә китапханәчеләр китапханә бинасыннан старт ала.

Ә хәзер йөгерешче китапханәчеләрне кайсы урамнарда очратырга мөмкин булачагын әйтәбез:

Маршрут: Үзәк китапханә – Туган якны өйрәнү музее –  Гидротөзүчеләр урамы – Мәдәният һәм ял паркы (ГЭС) – 9 май скверы – Ямашев бульвары – Үзәк китапханә

Акциядә катнашучы китапханәчеләргә ярдәмче буларак волонтерлар гына түгел, ә гади укучыларыбыз һәм аларның туганнары да кушыла ала.

Р.S: «Йөгерүче китап» — ел саен уздырылучы массакүләм социомәдәни акция, ул Россиянең төрле почмакларындагы дистә меңләгән китапханә берләшмәләре вәкилләрен һәм китап сөючеләрне берләштерә. Акция китапханәләрне популярлаштыру, укуга һәм интеллектуаль үсешкә кызыксыну булдыруга юнәлдерелгән. Шуның өстенә, йөгереш акциясендә Россиянең «иң күп укучы ил» исемен тотуга үз өлешен кертү максаты куела.