«Мурзилканың туган көне» журналлар каруселе (6+)

16 май көнне популяр балалар журналы «Мурзилка»ның беренче саны чыгуга 100 ел була. Әлеге вакыйга белән бәйле рәвештә, Гренада паркында 1 нче санлы мәгълүмати-китапханә үзәге хезмәткәрләре кече мәктәп яшендәге балаларны «Мурзилканың туган көне» дигән журналлар каруселенә.чакырды.

Укучылар журналның барлыкка килү тарихы белән танышты һәм аның озак вакыт чыгучы журнал буларак Гиннесның рекордлар китабына кертелүе турында белде!  Аны хәтта Бөек Ватан сугышы елларында да бастырып чыгаралар. «Уеннар» сәхифәсендә балалар тату рәвештә алдакчы-табышмакларны чиште, рифмалы уйнады, «Тәнәфес» сәхифәсендә төлке малаен лабиринт буенча өенә озаттылар һәм чиратлашып кызык хикәяләр укыды. Шулай ук пазллар җыйдылар, «Кайда кемнең йорты», «Төз ат» уеннары уйнадылар. Чара бик күңелле узды, балалар яхшы кәеф белән кайтып китте.