«Сәламәтлек коды: сәламәт тормыш рәвеше» квиз (12+)

12 апрель көнне 15 нче санлы китапханә уртанчы сыйныф укучылары өчен  «Сәламәтлек коды: сәламәт тормыш рәвеше» дигән квиз үткәрде.
Сәламәт тормыш рәвеше – ул дөрес туклану һәм спорт белән шөгыльләнү генә түгел. Ул кешегә сәламәтлекне саклау һәм ныгытуны тәэмин итүче аерым бер фикерләү һәм кешенең үз-үзен тотышы. 

Чарада катнашучылар командаларга бүленде һәм квизның берничә этабын узды. «Күнегү» дигән җиңел этапта алып баручының сорауларына тиз генә җавап бирергә кирәк булды. Аннан соң балалар катлаулырак логик биремнәргә күчте. «Сәламәт акыл» этабында яшүсмерләр анаграммалар чиште, «Мичкәдәге табышмаклар» этабында шифрланган тасвирламалар буенча зарарлы гадәтләрне белде. «Танылган кешеләрнең цитаталары» этабы танылган шәхесләрнең сәламәт тормыш рәвеше турында нәрсә уйлавы турында белергә мөмкинлек бирде. 
Йомгаклау этабы – «Кара тартма» уенында балалар кара тартмада нәрсә яшерелгәнен белергә тиеш булды. Дөрес җаваплар өчен командалар жетоннар алды, аларны санаганнан соң сәламәт тормыш рәвеше белгечләрен ачыкладылар. Җиңүчеләр китапханәдән бүләккә сәламәт тормыш рәвеше алып бару буенча энциклопедия алды.