«Төрле төстәге планеталарга сәяхәт» күңел ачу программасы (0+)

12 апрель көнне 10 нчы санлы китапханә балалар бакчасында Космонавтика көненә багышланган чарада катнашты. 
Чара башында балалар китапханәчедән космодром, космос, иярчен, экипаж һәм космоска очышка ничек әзерләнүләре турында мәгълүмат алды.

Чараның икенче өлешендә яшь китап сөючеләр серле һәм мавыктыргыч космик сәяхәткә юл тотты. Очыш вакытында алар «космик» табышмаклар чиште, «Оча торган менә дигән аппарат» дигән әкият викторинасында тылсымлы әйберләрдә очучы әкият геройларын искә төшерде. Балалар «Оча – очмый» бәйгесендә һәм «Йолдызларга таба алга» галәм эстафетасында актив катнашты, «Сатурн боҗраларын» тотты һәм хәтта… «Ай буенча сәяхәт» кылды!
Шулай ук балалар бәйрәмгә космик тематикага ясалган үз кул эшләреннән күргәзмә әзерләде. Чара азагында алар зур кызыксыну белән «Гаҗәеп космос дөньясы» дигән китап күргәзмәсе белән танышты.
Гадәти булмаган сәяхәт барлык катнашучыларның күңеленә хуш килде.