«Сәламәт тәндә – сәламәт рух» сәламәтлек дәресе (0+)

9 апрель көнне Үзәк балалар модель китапханәсендә «Сәламәт тәндә – сәламәт рух» дигән сәламәтлек дәресе узды.
Балалар, мультфильм карап һәм китапханәче белән аның турында фикер алышып, сәламәтлек, аны ничек сакларга кирәклеге һәм сәламәт тормыш рәвеше алып баруның нәрсә аңлатуын белде.

Яшь китап сөючеләр викторина сорауларына җавап бирде һәм дөрес туклану, төрле спорт төрләре турында табышмакларны чиштеләр. Бик теләп мавыктыргыч спорт эстафетасында катнашып, җитезлектә, төз атуда һәм тапкырлыкта көч сынаштылар.