«Ул йолдызлыкларга ишекләрне ачты» танып белү сәгате (6+)

Планетаның беренче космонавты Ю.Гагаринның тууына 90 ел тулу уңаеннан, 26 март көнне 1 нче санлы мәгълүмати-китапханә үзәгендә «Ул йолдызлыкларга ишекләрне ачты» дигән танып белү сәгате үткәрелде. Чара барышында балалар Гагаринның балачак һәм яшьлек еллары, Бөек Ватан сугышы елларында аның гаиләсенең тормышы, аның күк йөзенә мәхәббәте һәм очучы булырга хыяллануы, мәктәптә яхшы укуы, кыю һәм гадел булуы турында белде. 

Космосны беренче яулаучы белән танышу презентация күрсәтү белән үрелеп барды. Китапханәчеләр шулай ук Юрий Гагаринга планетаның беренче космонавты булу өчен нинди сынаулар үтәргә туры килүе турында сөйләде. Балалар космик табышмакларны чиште, «Космик маршрутлар» викторинасы сорауларына җавап бирде, «Йолдызлардан муенса», «Җир-Күк», «Ракеталар стартка» уеннарында катнашты. Очрашу азагында балаларны космос турында энциклопедияләр һәм китаплар белән таныштырдылар.