«Пушкин белән тарантаста» шигъри сәфәр (12+)

25 һәм 26 март көннәрендә 10 нчы санлы китапханә, Балалар һәм яшүсмерләр китабы атналыгы кысаларында, мәктәп укучыларын быел тууына 225 ел булуы бәйрәм ителүче Александр Сергеевич Пушкин иҗатына багышланган шигъри сәфәргә чакырды.  

Чарада катнашучылар Пушкин шигъриятенең тылсымлы дөньясына юл тотты. Сәяхәт барышында теләге булган һәркем Александр Сергеевичның үзләре яраткан шигырьләреннән юлларны искә төшерә һәм укый алды.
Виртуаль шигъри сәфәр барышында китапханә кунаклары «Әкият белгечләре» викторинасы сорауларына җавап бирде һәм «Шигырьне җый» интеллектуаль уенында катнашты.
Чара азагында балалар «Ералаш» балалар киножурналыннан «Пушкин.net» һәм «Я памятник себе…» сюжетларын карады.