«Извилиум» квиз уены (12+)

12 март көнне шәһәр үзәк китапханәсе хезмәткәрләре өлкән сыйныф укучылары өчен «Извилиум» исеме астында квиз уздырды. Әлеге уен формасы замана белән бергә атларга тырышучы яшьләр арасында бик популяр.
Уен барышында балалар, ике командага бүленеп, җитезлекләрен, тапкырлыкларын, белемлелекләрен, үзенчәлекле фикерләү сәләтен, һәм әлбәттә, җиңүгә омтылышларын күрсәтте. Катнашучыларга төрле белем өлкәләреннән бишәр сораудан торган 8 раундны узарга тәкъдим ителде һәм шуның барышында җиңүче команда ачыкланды.

Уенда катнашучылар интеллектуаль ярышның яңа форматын бик ошатты, бик күп уңай тәэсирләр, күтәренке кәеф, һәм шулай ук яңа белемнәр алды.