«Фольклор бабайда кунакта» танып белү сәгате (6+)

Халыкара туган тел көненә багышланган «Безнең тамырлар. Фольклор укыйбыз» VI Халыкара акциясе кысаларында, 16 нчы санлы китапханә хезмәткәрләре башлангыч сыйныф укучылары өчен «Фольклор бабайда кунакта» дигән танып белү сәгате уздырды. Чара башында балалар «фольклор» төшенчәсе һәм аның жанрлары белән танышты.

Шуннан соң Фольклор Бабайның үзенә кунакка юл тоттылар, анда аларны «Әкият», «Мәкаль», «Табышмак», «Мавыктыргычлар», «Тизәйткеч», «Халык җыры», «Бишек җыры», «Рус халык уеннары» кебек рус фольклоры жанрлары белән очрашу көтте. Сәяхәт барышында балалар, рольләргә бүленеп, «Төлке һәм соры бүре» рус халык әкиятен укыды, көләргә һәм елмаерга мәҗбүр иткән тизәйткечләрне әйтергә өйрәнде, бер-берсенә табышмак әйтеште, мәкальләрне тулыландырды, санагычларны, мавыктыргычларны кабатлады, бергәләп «Два веселых гуся» балалар җырын җырлады. Шулай ук бишек җыры тыңладылар һәм «Алтын капка» рус халык уенын ничек уйнарга кирәклеге турында видеосюжет карадылар. Очрашу актив, күңелле һәм файдалы үтте, кызлар һәм малайлар рус фольклоры жанрлары турында яңа белемнәр генә түгел, ә күтәренке кәеф, шатлык хисе һәм уңай тәэсирләр дә алды.