«Серле пәрәвез: Интернет чыганаклары» виртуаль экскурсия (6+)

6 февраль көнне шәһәр үзәк китапханәсе хезмәткәрләре укучылар өчен куркынычсыз Рунет атналыгына багышланган «Серле пәрәвез: Интернет чыганаклары» дигән виртуаль экскурсия үткәрде.
Хәзерге заманда Интернет белән таныш булмаган кешене күзалдына китерү кыен. Һәм юкка гына түгел – аның безнең тормышка үтеп керүе белән кешеләр өчен җиңел һәм тиз мәгълүмат алмашуның яңа мөмкинлекләре барлыкка килде. Интернетны төрле максатларда – укуда, уен һәм күңел ачуларда, аралашу һәм танышу өчен кулланырга мөмкин. Шул ук вакытта Бөтендөнья пәрәвезендә янаучы куркынычларга тап булмас өчен, Интернетта үз-үзеңне дөрес тоту кагыйдәләрен үтәү мөһим. 

Виртуаль экскурсиядә балалар Интернетта куркынычсызлык кагыйдәләре турында фикер алышты, һәм нинди сайтлар һәм кулланучылардан сак булырга кирәклеген белде. Белем алу өчен файдалы интернет чыганаклар белән таныштылар. Шулай ук электрон китапларны уку мөмкинлеген җентекләбрәк өйрәнделәр.