«Яңа ел чыршылары планетасы» Яңа ел сәяхәте (6+)

4 һәм 5 гыйнварларда 10 нчы санлы китапханә балаларны Яңа ел сәяхәтенә чакырды. Чара барышында балалар яңа ел агачының тарихы турында белде, дөньяның төрле илләрендәге иң матур һәм гадәти булмаган чыршылар турында презентацияне карады. 

Шуннан соң алар бик теләп «Яңа ел буталчыгы» викторинасы сорауларына җавап бирде, кышкы «Чыршы төбендәге табышмаклар»ны чиште, аерым иҗекләрдән «карлы» сүзләр җыйды, мавыктыргыч «Чыршыны җый!» яңа ел уен пазл-батлында катнашты. Чара азагында китапханәнең яшь кунаклары «Маша и Медведь» мультфильмыннан «Лыжню!» сериясен карады.