«Күккә бирелгән гомер»: телдән журнал (6+)

16 февраль көнне 10 нчы санлы китапханә «Мәңгегә йөрәкләрдә» программасы кысаларында укучыларны легендар очучы А.И.Покрышкинның 110 еллык юбилеена багышланган телдән  журналга чакырды. 

Телдән журнал вакытында мәктәп укучылары өч тапкыр Советлар Союзы Герое, үз тормышында «Үзең һәлак булсаң бул, әмма иптәшеңә ярдәм ит» принцибы белән яшәгән танылган очучының биографиясе белән танышты. 

Китапханәче белән берлектә электрон презентация ярдәмендә балалар аның тормыш юлы битләрен карады: «Себер җире улы», «Күккә юл», «Ахтунг! Һавада Покрышкин!», «Тыныч вакыт». Бишенче сыйныфлылар герой-летчик, оста һәм зыялы командирның шундый дәрәҗәләргә үсү юлы, балачакта килгән күкләрне яулау хыялына ничек ирешүе турында белде.   

Чара документаль кинохроника архивыннан уникаль кадрлардан алынган видеоязманы карау белән тәмамланды.