«Гаҗәеп сүзләр илендә»: лингвистик уен (6+)

21 февраль көнне 10 нчы санлы китапханәдә Халыкара туган тел көнен бәйрәм итү уңаеннан «Гаҗәеп сүзләр илендә» дигән лингвистик уен узды. 

Һәр халык — ул кабатланмас мәдәният, тарих, гореф-гадәтләр, тормыш рәвеше. Һәм, әлбәттә, тел. Күп санлы халыкларның да, иң аз санлы халыкларның да тел байлыгын саклау — мөһим бурыч. Китапханәдә очрашу планетадагы телләр күптөрлелеге, телне өйрәнүнең әһәмияте турында сөйләү белән башланып китте. Чара барышында шулай ук «туган тел» төшенчәсенең мәгънәсе һәм ни өчен аны «туган тел» дип атаулары ачыкланды.

Шуннан соң чараны уен программасы дәвам итте, анда рус теленең төрле тармаклары: фонетика, сүз төзелеше, морфология һәм синтаксис буенча белемнәрен тикшерүгә биремнәр белән төрле бәйгеләр кертелде. Бу «Артыгын сайлап ал», «Антонимнарын тап», «Архаизмнар», «Кайчан шулай әйтәләр?», «Парын тап», «Адашкан хәреф» һ.б. бәйге һәм уеннар. 

Чара азагында «Әкияттә – зирәклек» дигән фольклор укулар үтте. Татарстан халыкларының әкиятләре укылды.

Чарага «Зирәклек хәзинәсе» дигән кечкенә китап күргәзмәсе әзерләнгән иде.