Профсоюз белән бергә сәяхәт итү үзе бер традициягә әверелде (18+)
Китапханәдә «Гомумроссия китапханәләр көне» һөнәри бәйрәмебездә коллектив белән экскурсияләргә чыгу үзе бер традициягә әйләнде. Менә ничә ел рәттән инде «ҮКС» МБУнең профсоюз оешмасы үзенең хезмәткәрләрен Татарстанның төрле тарихи урыннарына эскурсия турлары белән сөендерә. Агымдагы елда китапханәләр өчен Чистай һәм Биләргә сәяхәт оештырылды. Экскурсия маршрутының программасында Чистай шәһәренә бару һәм аның истәлекле урыннары белән танышу каралган иде. Сәяхәткә баручылар борынгы шәһәр буенча йөрде, шулай ук Борис Пастернакның мемориаль музеенда булды. Биләрнең табигый һәм мәдәни истәлекле урыннарының берсе – «Изгеләр чишмәсе» архитектура-мәдәни комплексы да игътибардан читтә калмады. Хезмәткәрләребез Изгеләр чишмәсеннән су алды һәм риваятьләр сөйләве буенча теләгән теләкләр кабул була торган изге тау башына менде. |