Кояшлы җәйдә китап эстафетасы (6+)

3 июнь көнне 17 нче санлы китапханә хезмәткәрләре Балаларны яклау көне уңаеннан «Кояшлы җәйнең китап эстафетасы» исемле әдәби бәйрәм уздырды.

20190524_093621
20190524_101114
20190524_100649
20190524_095352

Чара башында балалар белән иң ямьле ел фасылы буларак җәй турында сөйләштеләр. Балалар җәйнең иң матур һәм беренче бәйрәменең килеп чыгу тарихы турында белде, балачак турындагы үзләре яраткан шигырьләрне сөйләде,  төрле кызыклы викториналарда – «Табигать сөюче белгечләр», «Иң акыллы», маҗаралардан торган «Тылсымчылар, сихерчеләр дөньясында» (чит ил авторлары әкиятләре буенча) викториналарында катнашты. Бәйрәм программасында уеннар һәм музыкаль номерлар да булды. Балалар бик теләп саф һавада хәрәкәтчән уеннар уйнады. Алар күңел ачу белән бергә, җәй буена җитәрлек көч тә туплады. Бу көн бары тик шатлык-сөенечләрдән торды, яхшы кәеф хакимлек итте һәм онытылмас мизгелләр булып балалар күңелендә сакланып калды.

If you have found a spelling error, please, notify us by selecting that text and pressing Ctrl+Enter.

Поделиться: