Үзәкләштерелгән китапханәләр челтәре

«Шәһәр үзәкләштерелгән китапханәләр системасы» муниципаль бюджет учреждениесе 19 китапханәне берләштерә. Аның структурасында шәһәр үзәк китапханәсе, үзәк балалар китапханәсе, 6 балалар китапханәсе, 11 җәмәгать китапханәcе исәпләнә.

Шәһәр үзәкләштерелгән китапханәләр системасы фондларында төрле фән тармакларына караган, рус һәм татар телләрендә 732383 данә китап тупланган. Алар арасында 5000нән артык аудио һәм видеоязма, 700дән артык электрон басма исәпләнә. Барлыгы 50 исемдәге газета һәм 200 исемнән артык журнал алдырыла.

Бүген Үзәкләштерелгән китапханәләр системасында 78 компьютер файдаланыла. Һәрбер китапханә Интернет челтәренә тоташтырылган, укучыларга эшләү өчен уңайлы эш урыннары бар.

2014 елда шәһәр китапханәләре тарафыннан 68591 укучыга хезмәт күрсәтелде, барлыгы 1349312 данә китап бирелде.

Шушы ел эчендә китапханәгә йөрүчеләрнең саны 495020не тәшкил итте.

Шәһәрдәшләребез өчен ел саен, 2000нән артык бәйрәм кичәсе, танылган шәхесләр белән очрашулар, бәйгеләр, китап күргәзмәләре оештырыла, төрле клублар эшли.

Шәһәр үзәкләштерелгән китапханәләр системасында барысы 132 китапханәче эшли, шуларның күбесе югары белемле һәм 10 елдан артык эш тәҗрибәсе булган кешеләр.

Шәһәр үзәкләштерелгән китапханәләр системасы структурасы:

Шәһәр үзәк китапханәсе

Үзәк балалар китапханәсе

Филиаллар