Алешков Николай Петр улы

Шагыйрь, публицист

1945 елның 26 июнендә ТАССРның Чаллы (хәзерге Тукай) районы Орловка авылында туа. Яр Чаллы шәһәрендә КамАЗ төзелеше башланган дәвердән бирле яши. Эшче-төзүче, пресс-центр җитәкчесе, инженер-диспетчер, журналист, «Орфей» әдәби берләшмәсе җитәкчесе, Татарстан Язучылар берлегенең әдәби консультанты булып эшли. Татарстан Язучылар берлеге һәм Россия Язучылар берлеге әгъзасы.

«Запомни меня счастливым» (1983), «Орловское кольцо» (1988), «Ночной разговор: Лимит» (1993), «Дальние луга» (1995), «Это в Тарловке было…» (1996), «Вопреки»    (2003), «Сын Петра и Мариши» (2005) һәм башка китаплар авторы. «Ударник строительства КамАЗа» почетлы билгесе белән бүләкләнгән. Эдуард Касыймов (1989) һәм Гавриил Державин (2005) исемендәге туган якны өйрәнү премияләре лауреаты.